Tuesday, July 18, 2017

"සබ්බේ පුථුජ්ජනා උම්මත්තකා"යයි පටන්ගන්නා දහමක් ඇති රටක මානසික අසමතුලිතතා කියන්න බියවන්නේ ඇයි?



"සබ්බේ පුථුජ්ජනා උම්මත්තකා"යන දහම් පාඨයෙන් සියලු සාමාන්‍ය මිනිසුන් කිසියම් හෝ මානසික අසහනයකින්, ආතතියකින් හෝ වෙනත් අසමතුලිතතාවයෙන් පෙළෙන බව බුදුරජාණන් වහන්සේ දේශනා කළහ. එසේ දේශනා කළේ විවිධ මානසික තත්වයන් මිනිසුන් වන අපට ඇතිවන බව තේරුම්ගෙන ජීවත්වීමටය. නමුත් ඓතිහාසික බෞද්ධ සංස්කෘතියකට උරුමකම් කියනවායයි කියන සමාජයක තමන්ට ඇති මානසික ආතතිය හෝ වෙනත් මානසික වියවුල් ප්‍රකාශකිරීමට මැලිවෙති. මානසික ආබාධිතයන් පහත් කොට සලකති.
ඇයි අපේ සමාජය මෙවැනි පසුගාමී අදහස් තවදුරටත් දරන්නේ? මෛත්‍රී භාවනාව පටන්ගන්නෙම තමන්ට ආදරය, සෙනෙහස, කරුණාව දක්මින්ය. ඉන්පසු අනෙකුත් සත්වයන්ට එම හැගීම් ඇතිකරගනිති.

පහත වීඩියෝව තමන් මුහුණපාන මානසික පිඩනය ප්‍රකාශ කිරීමේ වැදගත්කම, මානසික විකිත්සාවේ ප්‍රයෝජනය අපට පෙන්වයි. විනාඩි කිහිපයක් වැයකොට එය අසන්න. පහත දාතමය ඔබා වීඩියෝව නරඹන්න.
 

Saturday, July 15, 2017

තරුණ අපි බෙහෝ කෙනෙක් යහපත් ආකල්පවලින් දියුණුයි

මෙම වීඩියෝව සමස්ත තරුණයන්ගේ ස්වභාවය ප්‍රතිරාවය නොවුණත්, බොහෝ තරුණයන්ගේ

 යහපත් ආකල්ප පෙන්වයි. ජාතිකවාදී, ආගම්වාදී මානසික ව්‍යාධිවලින් 

පෙළෙන්නන් අතර එසේ නොවන මිනිසුන් වැඩිය. 

පහත දාතමය ඔබා වීඩියෝව නරඹන්න

Friday, July 7, 2017

ලෝකය පැරැණි දර්ශනයට හැරේ…


මිImage result for antike philosophie

බටුවංගල සමිද්ධි හිමි

දර්ශනය අවශ්‍ය මිනිසා මුහුණපාන අප්‍රසන්න තත්වයෙන් මිදී වඩාත් හොද ප්‍රසන්න තත්වයක් ඇතිකරගැනීමටය. ඉතිහාසය පුරාවටම දේශපාලන,ආර්ථික, අධ්‍යාත්මික දර්ශනයන් මිනිසා සිටින තත්වයෙන් උසස් කිරීමට උපකාරී වී ඇත. විශේෂයෙන් අධ්‍යාත්මික දර්ශනය මෙහිදී වැදගත්ය.ෂඩ් ශස්තෘවරුන්, බුදුන් වහන්සේ, කොන්ෆුයුසියස්, සොක්‍රටීස්, ඩිමොක්ට්‍රිස් ප්ලේටො,සෙනෙකා ආදී තවත් බොහෝ පැරැණි දාර්ශනිකයන් විසින් හදුන්වාදෙන ලද අධ්‍යාත්මික දර්ශනය මිනිසා මත පැවරී ඇති සහ පවරාගන්නා ලද පීඩනයන්ගෙන් මිදී සිහිය, සැනසුම, සතුට ඇතිකරන ක්‍රියාමාර්ග පෙන්වයි.

එහිදී බුදු රජාණන් වහන්සේගේ දර්ශනය හෙවත් ධර්මය සහ භාවිතාවන් ජීවන දර්ශනයක් ලෙස අධ්‍යාත්මික සුවය ලබාදෙන බවට ලෝකයා අතර ප්‍රසාදයක් ඇත. මෙහිදී සිහි කැදවිය යුතු කරුණක් ඇත. ලෝකයාගේ ප්‍රාසාදය බෞද්ධාගමික පූජක හෝ දේශපාලන සංවිධානවලට නැත. එවැනි සංවිධාන නිතර බුදු රජාණන් වහන්සේගේ ධර්මයට යටත්ව කටයුතු නොකරති. ඔවුන් සමාජ නිදහසට බධාවක් බව ඇතැම්හුගේ අදහසයි. නමුත් බුදු දහම සහ එහි අධ්‍යාත්මික භාවිතාව ජාති, ආගම්, භාෂා භේදයන්ගෙන් තොරව සියලුදෙනාට සුවය සලසයි.

පසුගිය සියවස අධ්‍යාත්මික දර්ශනය ගැන සුවිශේෂ අවස්ථා සනිටුහන් කළ හැකිය. විශේෂයෙන් දෙවන ලෝක යුද්ධයෙන් පසුව ආගම් පිළිබද පැරණි විශ්වාස බිදවැටීම, මනෝ විද්‍යාව සහ වෙනත් අධ්‍යාත්මික අභ්‍යාසයන් ප්‍රචලිතවීම ඉන් සමහරකි

 අද වන විට දැකිය හැකි සුවිශේෂ ප්‍රවණතාවයක් වන්නේ මුලින් සදහන් කරන ලද පැරැණි දාර්ශනිකයන් ආත්ම සුවය පිණිස දේශනා කරන ලද දර්ශනයන් සහ අධ්‍යාත්මික භාවිතාවන් කෙරෙහි අවධානය යොමු කිරීමයි. ඒවා අධිකාරීබලය සහිත ආගමකට හෝ සංවිධානයකට අයත් නොවීමත්, සමාජයේ තිබෙන විවිධ භේදයන්ගෙන් තොරව, ආගමික හෝ වෙනත් ගැටුමකින් තොරව භාවිතා කිරීමට හැකිය.